TENDER.AM ՕԳՆՈՒԹՅԱՆ ԿԵՆՏՐՈՆ

Ինչո՞վ կարող ենք օգնել

Գտեք պատասխանը կամ անցեք անհրաժեշտ բաժին՝ աշխատանքը շարունակելու համար։

Արագ մեկնարկ

  1. 1

    Որոնեք առանց գրանցման՝ բանալի բառերով կամ CPV ծառով։ Հաշիվ պետք չէ։

  2. 2

    Ստեղծեք թիրախ՝ նոր համապատասխան մրցույթների մասին տեղեկանալու համար։

  3. 3

    Էջանշեք կարևոր մրցույթները և ընտրեք մշտադիտարկման տեսակը։

Օգնության թեմաներ

Թիրախներ և ծանուցումներ

Թիրախի ստեղծում և համապատասխանությունների ստացում

Իմ թիրախները

Էջանշաններ և մշտադիտարկում

Անվճար և վճարովի մշտադիտարկման տարբերություններ

Իմ էջանշանները

Հաշիվ և կազմակերպություններ

Անձնական տվյալներ, կազմակերպություններ և օգտատերեր

Իմ էջը

Հաճախ տրվող հարցեր

Ի՞նչ է Tender.am-ը

Հայաստանում հրապարակվող գնումների հայտարարությունների որոնման համակարգ։ Պետական և մասնավոր պատվիրատուների հայտարարությունները հավաքվում են մեկ տեղում, որպեսզի դրանք գտնելու համար հարկ չլինի ամեն օր շրջել առանձին կայքերով։

Ինչո՞ւ օգտվել դրանից

Երկու բանի համար՝ գտնել այն, ինչ արդեն հրապարակված է, և բաց չթողնել նորը։ Որոնումն անվճար է և հաշիվ չի պահանջում։ Եթե ուզում եք, որ նոր համապատասխան հայտարարությունների մասին Ձեզ տեղեկացնեն, ստեղծեք Թիրախ՝ դրա համար արդեն պետք է հաշիվ։

Կարո՞ղ եմ որոնել առանց գրանցվելու

Այո։ Հրապարակային մրցույթների որոնումն ու ֆիլտրումը հասանելի են առանց մուտք գործելու։ Սահմանափակ հայտարարության ամբողջական տվյալների համար կարող է պահանջվել առանձին հասանելիություն։

CPV որոնման արդյունքն ընտրո՞ւմ է հանգույցը

Ոչ։ Արդյունքի վրա սեղմելիս համապատասխան հանգույցը բացվում և ժամանակավորապես ընդգծվում է ծառում, բայց ընտրությունը կատարվում է միայն ձեր հստակ գործողությամբ։

Թիրախի ստեղծումը վճարովի՞ է

Թիրախների ստեղծումն ու պահպանումն անվճար և անսահմանափակ է։ Պաշտոնական, ժամանակին ծանուցումը վճարովի իրադարձություն է, երբ հայտնվում է թիրախին համապատասխան նոր մրցույթ։

Ինչպե՞ս է հաշվարկվում ծանուցման գինը

Գինը կախված է նրանից, թե որքան հազվադեպ և որքան կոնկրետ է թիրախը․ որքան քիչ հայտարարություն է համընկել վերջին տարում, այնքան բարձր է գինը, քանի որ հենց դա է այն, ինչ առանց ծանուցման կվրիպեր։ Հաշվարկին մասնակցում են հինգ ֆիլտր՝ մարզ, ընթացակարգ, բանալի բառ, դասակարգիչ և պատվիրատու։ Հատվածը, բնույթը և ամսաթվերը նեղացնում են շրջանակը, բայց գինը չեն փոխում։ Գործող CPV բաժանորդագրությամբ ամբողջությամբ ծածկված թիրախի ծանուցումներն անվճար են։

Ի՞նչ է ներառում անվճար մշտադիտարկումը

Փոփոխություններ, պարզաբանումներ, չեղարկում, վերջնաժամկետի և փաստաթղթերի փոփոխություններ՝ մինչև արդյունքների հրապարակումը։

Ե՞րբ է գանձվում վճարովի մշտադիտարկման գումարը

Վճարովի մշտադիտարկումը ձեռք է բերվում առանձին՝ յուրաքանչյուր հայտարարության համար, և միայն Ձեր հստակ գործողությամբ։ Գումարը գանձվում է ձեռքբերման պահին՝ ոչ ավելի ուշ և ոչ ինքնաբերաբար։ Մեկ ձեռքբերումը բացում է այդ հայտարարության բոլոր վճարովի իրադարձությունները՝ ներառյալ դեռ չկատարվածները, և կրկին չի գանձվում։ Եթե հաշվեկշիռը բավարար չէ, ձեռքբերումը մերժվում է, Ձեզ տեղեկացվում է, և գանձում չի կատարվում։ Վաճառքի առկայությունը և գինը նշված են «Գներ և ծառայություններ» էջում։

Կարո՞ղ եմ փոխել գնված CPV ծածկույթը

Ակտիվ գնված ծածկույթը չի նեղացվում կամ փոխարինվում։ Կարող եք միայն ավելացնել նոր CPV ուղղություններ, հատվածներ կամ օգտատերեր՝ համապատասխան վերահաշվարկով։

Ինչպե՞ս են գործում զեղչային ակցիաներն ու անհատական զեղչերը

Ակցիաները տարածվում են միայն CPV բաժանորդագրության գնման, երկարաձգման և լրացումների վրա՝ ակցիայում նշված ժամկետների և գնումների տարածքների համար։ Ակցիան կարող է լինել միայն գնման կամ միայն երկարաձգման համար։ Երկարաձգում է համարվում միայն դեռ գործող բաժանորդագրության երկարաձգումը՝ նույն հատվածով և տարածքներով. ավարտվածի նորից գնումը կամ այլ հատվածով/տարածքներով երկարաձգումը գնում է։ Անհատական զեղչը տրամադրվում է Ձեր հաշվին։ Գինը միշտ հաշվարկում է սերվերը. վճարման պատուհանում տեսնում եք սովորական գինը, կիրառված զեղչերը և մեկ վերջնական վճարը։ Եթե զեղչը փոխվել կամ ավարտվել է Ձեր հաստատումից հետո, ոչինչ չի գանձվում, և նոր գինը ցուցադրվում է կրկին հաստատման համար։

Որտե՞ղ են վճարման անդորրագրերը

Դրամապանակի գործարքների ցանկում բացեք համապատասխան գործարքը․ այնտեղ հասանելի են վճարման մանրամասներն ու անդորրագիրը։

Ի՞նչ է նշանակում «Ստուգված» նշանը պատվիրատուի անվան կողքին

Tender.am-ի աշխատակիցը ստուգել և հաստատել է կազմակերպության տվյալները՝ անվանումները հայերեն, ռուսերեն և անգլերեն, ՀՎՀՀ-ն, կազմակերպաիրավական ձևը և հասցեն։ Տվյալները փոխվելուց հետո նշանը վերադառնում է «Ստուգված չէ» վիճակին, մինչև նոր տարբերակը հաստատվի։ Նշանը չի վերաբերում կոնտակտային անձին։